Di sada botari martelepon ma si poltak tu Tulangna A. Lambas
Poltak : "Halo Tulang, apa kbr nih, sehat2 khan?
Iya nih Tulang, aku mau kasi tau dua bulan lagi aku mau kawin Lang. Kata Mama, sblm kawin aku disuruh dulu ke rumah Tulang ngenalin calon Istriku.Tapi, nggak apa2 khan klw aku nggak dtg?Soalnya cutiku cuma seminggu sblm pesta
Amani Lambas : "Dok jo annon Inongmu martelpon tu ahu da!" _(huhut ditarik hosana)_
Tar hira 15 minut, mangkuling ma HP na.
Jalo do antong diangkat ala diboto ibana ibotona do na martelepon i.Amani Lambas : "Horas Ito boha kabar di bariba i, martelep nangkin Bere i.
Didok ibana, naeng marhasohotan tar hira dua bulannai?"
Nai poltak : "Horas ma tutu Ito, sehat2 do hami sude.Toho Ito, naeng marhasohotan ma beremi, na husuru ibana martelep tu Ito. Ndang pola boha molo ndang sian jabu muna hami dohot beremi kan?
Mangantusi ma Ito, repot hian lao mangurus sude2 Godung, Katering, Baju, Salon, Musik, manang na asing pe. Ingkon nuaeng do bukkingon i jala leonon tanda jadina."
"Soal pasi Ulos dht Dekke SMS Ito ma rekeningmu ate!, togihon annon piga2 angka hulahula i.
Ehh tahe Ito, mangido tolong jolo. Hamu ma tong pasahat Gonghon tu Tulangta ate. Ai so huboto didia jabuna, pajolo ma hepengmi baen parsidekke na.
Pittor huganti pe annon da!"
Amani Lambas : "Ito ingot hatanghon!
Naujui ditinggalhon Ho do kuliahmu, laho do Ho mangalua dohot Lae. Suda Tano Mahiang, suda Tano Maraek alani i. Jala ido umbahen marsahit Inong tingki i.
Denggan panatangmu, mar-buni2 do Inong psht ulos mulagabe tu Ho jala marsipanganon do Ho dibahen Dainang, ima Dekke na ni lompana pabosurhon Ho" _(mulai manetek ilu ni Ama ni Lambas)_
"Di na mate pe Among, huapus do andoranghu. Marboha bahenon ma, hujalo do Adatmu di jolo ni bangke ni Damang. Asa sangap do Ho Ito rap dohot Simatuam.
Dung tolu ari Damang tapataru tu udeanna, ro ma Ho muse rap dohot Lae marnida tading2 ni Damang i, asa adong Pauseang di hamu Boru marhite sipanganon na binoan muna i."
"Malengleng ateatenghu ku Ito, alai mengkel suping do ahu jala pintor hulehon do Ulos Na So Ra Burukhi songon tanda ni holongku tu hamu. Nuaeng pe naeng mangoli berenghi, ndang boi sangap Among di ngoluna dibahen Ito, pinomat sangap ahu dibahen berenghi. Pulut do roham Ito manungkun nomor rekeninghu jala ahu muse naeng suruonmu manggonghon Tulangta."
"Sambor ni nipinghi bahemonmu Ito.
Boha? Lwt Titipan Kilat ma hutongos Ulos dht Dekkenghu? Soal hata pasupasu pangke Telekonperens pe hubahen. Ai holan modal pulsa do i.Transfer ma Tintin Marangkup i tu rekeninghu."
"Alai, Unang hansit roham molo mabalu Ho Ito, pangke Ojek Online ma hutongos Tujungmu!"
Nai Poltak : " tangis tarilu-ilu_(langsung pingsan)_...
Unang palembahu mar Tulang dht mar-Hula2! Gabe pe na sinuan, sinur pe na pinahan, mangomo na martigatiga manang denggan karir ta di karejo/pegawai. Ndang alani gogo manang malonta i sude. Ala ni asi ni Tuhanta do di hita jala tangiang dohot hata pasupasu sian Tulang dohot Hula2nta.
Horas!
Tidak ada komentar:
Posting Komentar